തിരുവനന്തപുരം: സംസ്ഥാനത്ത് വൈദ്യുതി നിയന്ത്രണം തുടരുമെന്ന് കെഎസ്ഇബി. പവർ എക്സ്ചേഞ്ചിൽനിന്ന് വൈദ്യുതി ലഭിക്കാത്തതിനെ തുടർന്നാണ് തീരുമാനം. വൈദ്യുതി പ്രതിസന്ധിയുടെ പശ്ചാത്തലത്തിൽ ഇന്നലെ വരെ നിയന്ത്രണമുണ്ടാകും എന്നാണ് കെഎസ്ഇബി അറിയിച്ചിരുന്നത്. എന്നാൽ മഴ കുറഞ്ഞതോടെ ഉൽപാദനം കുറയുകയും ഉപയോഗം കുതിച്ചുയരുകയും ചെയ്യുന്ന സാഹചര്യമാണ് നിലവിലുള്ളത്.
സംസ്ഥാനത്ത് ഗുരുതരമായ വൈദ്യുതി പ്രതിസന്ധിയുണ്ടെന്ന് വൈദ്യുതി മന്ത്രി സണ്ണി ജോസഫ് വ്യക്തമാക്കി. മഴ കുറഞ്ഞതാണ് പ്രതിസന്ധിക്കു കാരണം. കൂടുതൽ വില നൽകി വൈദ്യുതി വാങ്ങാൻ സംസ്ഥാനം ശ്രമം നടത്തുകയാണെന്നും അദ്ദേഹം പ്രതികരിച്ചു.